Sat, 16 Jan 2021

Cebuano News: 50-70M Pinoys target nga mabakunahan sa 2021

Philippine Information Agency
12 Jan 2021, 16:38 GMT+10

Atol sa gipahigayong Laging Handa Briefing: COVID-19 Vaccines Explained niadtong Enero 6 sa Philippine Information Agency (PIA) Auditorium sa kaulohan, gibutyag ni National Task Force (NTF) Against COVID-19 chief implementer ug vaccine czar Kalihim Carlito Galvez Jr. nga ang Pilipinas naa na sa 'advanced stages of negotiations' uban sa Novavax, Pfizer, ug Johnson&Johnson sa Estados Unidos; AstraZeneca sa United Kingdom; Sinovac Biotec sa China; ug Gamaleya Research Institute sa Russia.

(PIA)

MANILA, Jan. 11 (PIA) -- Target sa gobyerno nga mabukunahan batok sa sakit nga coronavirus disease 2019 (COVID-19) ang 50 ngadto sa 70 ka milyong mga Pilipino sulod ning tuiga.

Kini ang gibutyag ni National Task Force (NTF) Against COVID-19 chief implementer ug vaccine czar Kalihim Carlito Galvez Jr., atol sa gipahigayong Laging Handa Briefing: COVID-19 Vaccines Explained niadtong Enero 6 didto sa Philippine Information Agency (PIA) Auditorium sa kaulohan.

Matud pa ni Galvez nga ang nasod naa na sa 'advanced stages of negotiations' uban sa Novavax, Pfizer, ug Johnson&Johnson sa Estados Unidos; AstraZeneca sa United Kingdom; Sinovac Biotec sa China; ug Gamaleya Research Institute sa Russia

"We hope to close the deal with these companies this month," [Nanghinaut kita nga ato na nga mahipno ang kasabutan niini nila sa dili pa mahuman ang buwan], matud pa ni Galvez.

Gidugang pa niini nga ang gobyerno makadawat og 'fully subsidized doses' gikan sa Covax Facility alang sa unang 20 porsyento sa populasyon o 22 milyon ka Pilipino.

Matud pa nga plano sa gobyerno nga mopalit og dili moubos sa 148 ka milyong doses sa bakuna batok sa COVID-19 aron maapil ang 70 ka milyong Pilipino.

Si Galvez, kauban ang ubang opisyal sa gobyerno atol sa maong briefing miseguro sa publiko nga ang gobyerno naghimo na og mga 'scientific evaluations' aron pagseguro nga luwas, epektibo ug libreng bakuna batok sa COVID-19 ang mahatag sa tanang Pilipino.

Si Galvez nagkanayon nga ang halapad nga 'nationwide vaccination program' naka-angkla sa Philippine National Vaccine Roadmap, diin tumong niining makab-ot ang hingpit nga pagbawi sa ekonomiya ug kinabuhi sa katawhang Pilipino.

Gipasa ni Galvez ang mensahe ni Presidente Rodrigo Roa Duterte nga "Wala pong maiiwan, walang iwanan" ug nipasalig nga ang tanang Pilipino mahatagan og oportunidad nga mabakunahan.

Gibutyag sa kalihim nga ang Pilipinas ug Colombia maoy unang duha ka nasod nga mosalmot sa Solidarity Vaccine Trial sa World Health Organization (WHO). (ecb/PIA7-Bohol)

More Caribbean News

Access More

Sign up for Caribbean News

a daily newsletter full of things to discuss over drinks.and the great thing is that it's on the house!